Агентлар орасида Европанинг бир нечта йирик клублари ҳужумчи Мэйсон Гринвуднинг юксак истеъдодини қадрлаган ҳолда, уни ўз сафига қўшиб олмоқчи эканлиги ҳақидаги гап-сўзлар тобора авж олмоқда. Шунга қарамай, кўпчилик бундай трансфер ортидан келадиган салбий репутациядан хавфсирамоқда.
"The Touchline" нашрининг қайд этишича, Гринвудга қизиқиш билдираётган клублар маълумотлар сизиб чиқиши ёки ҳаттоки миш-мишлар тарқалишининг олдини олиш мақсадида футболчининг ҳолатини махфий тарзда ўрганишмоқда.
Бир неча йил олдин Мэйсон Гринвуд жинсий зўравонликда айбланган эди. Кейинчалик айбловлар олиб ташланган.
2025/2026 йилги мавсумда Гринвуд "Марсель" таркибида 33 та ўйин ўтказди. Уларда инглиз футболчиси 23 та гол урди ва 8 та голли узатмани амалга оширди. Нуфузли "Transfermarkt" портали 24 ёшли ўйинчини 50 миллион еврога баҳоламоқда.
