Чемпионлар лигасининг 2025/2026 йилги мавсуми плей-офф босқичининг илк тўқнашуви якунланди. Унда "Қорабоғ" ва "Ньюкасл Юнайтед" жамоалари ўзаро баҳс олиб боришди. Бокундаги "Тофиқ Баҳрамов" стадионида ўтган ўйинда инглиз клуби 6:1 ҳисобида ғалаба қозонди. Учрашувни норвегиялик бош ҳакам Эспен Эскос бошқариб борди.
Ўйиннинг учинчи дақиқасидаёқ Энтони Гордон ҳисобни очиб, меҳмонларни олдинга олиб чиқди. Тўққизинчи дақиқада Малик Тшау инглизларнинг устунлигини икки бараварга оширди. 32-дақиқада Гордон пенальтини аниқ амалга ошириб, дублини нишонлаган бўлса, 34-дақиқада хет-трик қайд этди. Биринчи бўлимга қўшиб берилган вақтда (45+1) Энтони Гордон яна бир бор "нуқта"дан адашмади ва покерни расмийлаштирди.
56-дақиқада Элвин Жафарқулиев битта жавоб тўпини киритди. Бироқ 72-дақиқада Жейкоб Мёрфи меҳмонларнинг олтинчи голини уриб, ўйинга якуний нуқтани қўйди.
"Ньюкасл Юнайтед" ва "Қорабоғ" ўртасидаги жавоб учрашуви 24 февраль куни "Сент-Жеймс Парк" (Ньюкасл-апон-Тайн) стадионида бўлиб ўтади.
Чемпионлар лигасининг умумий босқичи якунларига кўра, Озарбайжон жамоаси 10 очко билан 22-ўринни, инглиз клуби эса 14 очко билан 12-ўринни эгаллаган эди.
ЕЧЛ. Ўтиш босқичи. Дастлабки ўйин
18.02.2026 | 22:45 Баку, «Тофиқ Баҳрамов» номидаги стадион
«ҚОРАБОҒ» (Озарбайжон) — «НЬЮКАСЛ ЮНАЙТЕД» (Англия) — 1:6
Голлар: Гордон 3’ (0:1), Тшау 8’ (0:2), Гордон 32’-пен (0:3), Гордон 33’ (0:4), Гордон 45+1’-пен (0:5), Жафаргулиев 54’ (1:5), Мерфи 72’ (1:6).
«Қорабоғ»: Кохальски, Мустафазаде (Болт, 22), Медина, Жафаргулиев, Силва, Янкович, Педру Бикалью, Монтиэль (Аддай, 85), Зубир (Боржес, 85), Леандру Андраде (Гусейнов, 46), Дуран (Гурбанлы, 88).
«Ньюкасл»: Поуп, Тшау, Бёрн, Холл, Триппьер (Жоэлинтон, 77), Тонали, Уиллок (Рэмси, 68), Вольтемаде, Барнс (Нив, 87), Эланга (Осула, 68), Гордон (Мерфи, 68).
Огоҳлантириш: Тшау (77).
