Италия А Сериясининг 2025/2026 йилги мавсуми, қолдирилган 24-туридан ўрин олган "Милан" ва "Комо" жамоалари ўртасидаги учрашув якунланди. Баҳс Миландаги "Сан-Сиро" стадионида бўлиб ўтди. Учрашувни бош ҳакам Маурицио Мариани бошқариб борди. Ўйин 1:1 ҳисобидаги дуранг билан ниҳоясига етди.
Ўйинда ҳисобни Николас Пас очди. "Комо" ярим ҳимоячиси биринчи бўлимнинг 32-дақиқасида гол уришга муваффақ бўлди. Иккинчи бўлимнинг 64-дақиқасида эса миланликлар ҳужумчиси Рафаэл Леау ҳисобни тенглаштирди.
Айни дамда "Милан" 54 очко жамғарган. 25 та ўйиндан сўнг жамоа А Серия жадвалида иккинчи ўринни эгаллаб турибди ва пешқадам "Интер"дан етти очкога ортда қолмоқда. "Комо" эса 42 очко билан 6-ўринда жойлашган.
А Серия. 24-тур
19.02.2026 | 00:45
«Жузеппе Меацца», Милан
«МИЛАН» — «КОМО» — 1:1
Голлар: Леау 64’ (1:1) — Пас 32’ (0:1).
«Милан»: Меньян, Томори, Павлович (Габбиа, 46), де Винтер, Риччи (Фофана, 56), Модрич, Яшари, Бартесаги, Атекаме (Салемакерс, 56), Леау (Пулишич, 82), Нкунку (Фюллкруг, 62).
«Комо»: Бюте, Диегу Карлос, Кемпф, Рамон, Сержи Роберто (Да Кунья, 79), Перроне, Войвода (Смолчич, 90), ван дер Бремпт (Валье, 71), Какере (Родригес, 78), Батурина, Пас (Дувикас, 71).
Огоҳлантиришлар: Леау (68), Салемакерс (87) — Пас (53), Бюте (63), Рамон (68).
