«Барселона» ҳимоячиси Пау Кубарси жамоа бош мураббийи Ханс-Дитер Флик ҳақида ўз фикрлари билан ўртоқлашди.

«Флик бизга доимо ўзлигимизни йўқотмасликни ва ишонч билан ўйнашни айтади. Ташқаридан қараганда у кўп бақирадигандек туюлиши мумкин, аммо ичкарида у бизни ҳар доим ҳимоя қилади ва қўллаб-қувватлайди», — дея Кубарсининг сўзларини келтиради Barça Universal.

Жорий мавсумда 19 ёшли Кубарси барча турнирларда 33 та учрашувда майдонга тушди ва битта гол муаллифига айланди.

Эслатиб ўтамиз, аввалроқ «Барселона» сафарда «Жирона»га мағлуб бўлди (1:2) ва Испания чемпионатидаги пешқадамликни бой берди. 25-турда «кўк-анорранглилар» ўз майдонида «Леванте»ни қабул қилади. Учрашув 22 февраль куни бўлиб ўтади.