«Манчестер Сити» дарвозабони Жанлуижи Доннарумма «ПСЖ»да Лионель Месси билан бирга ўйнаган кезларини ёдга олди. Италиялик ва аргентиналик футболчилар 2021 йилдан 2023 йилгача биргаликда парижликлар шарафини ҳимоя қилишган.
«Бу ажойиб эди. Месси — тарихдаги энг яхшилардан бири. Унинг футболчилик маҳоратини четга суриб турганда ҳам, нақадар ажойиб инсон эканлиги мени ҳайратда қолдирган. Лео — ҳақиқатан ҳам буюк шахс, лол қолдирадиган даражада. У билан бирга тўп сурган хотираларимни ҳаётимдаги энг яхши дамлардан бири сифатида сақлаб қоламан», — дея дарвозабоннинг сўзларини келтиради «шаҳарликлар» матбуот хизмати.
Лионель Месси 2023 йилда «ПСЖ»дан «Интер Майами»га ўтган эди. Жанлуижи Доннарумма эса икки йил ўтиб Париж клубидан «Манчестер Сити»га кўчиб ўтди.
