«Динамо» жамоаси янги мавсум олдидан яна бир легионер билан ўз сафини кучайтирди.

Янги мавсумда янги марраларни кўзлаётган «Динамо» ПФК Салвадор Санчес билан келишувга эришди. Аргентиналик 30 ёшли ҳимоя чизиғи вакили марказий ва чап қанот ҳимоячиси сифатида ўйнай олади. Санчес жамоага эркин агент сифатида келиб қўшилди.

Салвадор Санчеснинг сўнгги клуби Чилининг «Депортес Икике» клуби бўлиб, у жамоа билан хайрлашгач, январ ойида эркин агентга айланганди.

«Ривер Плейт» клуби тарбияланувчиси саналмиш Санчес Аргентинанинг «Арсенал Саранди», «Сантамарина», «Олимпо», Грециянинг «Волос», «ПАС Ламия», Литванинг «Паневежис» ва Чили чемпионатининг «Кокимбо Юнидо» ҳамда «Депортес Икике» клублари шарафини ҳимоя қилган.