«Dinamo» jamoasi yangi mavsum oldidan yana bir legioner bilan o‘z safini kuchaytirdi.

Yangi mavsumda yangi marralarni ko‘zlayotgan «Dinamo» PFK Salvador Sanches bilan kelishuvga erishdi. Argentinalik 30 yoshli himoya chizig‘i vakili markaziy va chap qanot himoyachisi sifatida o‘ynay oladi. Sanches jamoaga erkin agent sifatida kelib qo‘shildi.

Salvador Sanchesning so‘nggi klubi Chilining «Deportes Ikike» klubi bo‘lib, u jamoa bilan xayrlashgach, yanvar oyida erkin agentga aylangandi.

«River Pleyt» klubi tarbiyalanuvchisi sanalmish Sanches Argentinaning «Arsenal Sarandi», «Santamarina», «Olimpo», Gresiyaning «Volos», «PAS Lamiya», Litvaning «Panevejis» va Chili chempionatining «Kokimbo Yunido» hamda «Deportes Ikike» klublari sharafini himoya qilgan.