«Челси» бош мураббийи Лиам Росеньор Англия Премьер-лигаси ҳақида ўз фикрларини билдирди. Росеньор мисол тариқасида «Вулверхэмптон» ва «Арсенал» ўртасидаги ўйин натижасини келтириб ўтди — унда турнир жадвалининг 20- ва 1-ўринларида бораётган жамоалар 2:2 ҳисобида дуранг ўйнашди.

«Вулверхэмптон» ажойиб ўйин кўрсатди — мен учрашувни томоша қилдим. АПЛ — ақл бовар қилмас даражада кучли лига. Ҳар қандай жамоа исталган рақибни мағлуб этиши мумкин. Айнан шунинг учун ҳам турнир жадвалида зичликни кўряпмиз. Мен ўз жараёнимиз устида ишлашни афзал кўраман. «Вулверхэмптон», «Манчестер Сити», «Арсенал» ёки «Бёрнли»га қарши ўйнаймизми — бизнинг ёндашувимиз ўзгармасдан қолади», — деди Росеньор матбуот анжуманида.

«Челси» 21 февраль куни ўз майдонида «Бёрнли»ни қабул қилади.