"Барселона" марказий ҳимоячиси Пау Кубарси жамоанинг жорий мавсумдаги истиқболлари ҳақида гапирди.
"Кўк-анорранглилар" ўтган мавсумни Ла Лига, Испания кубоги ва мамлакат Суперкубоги ғолиби сифатида якунлади. Жорий мавсумда жамоа яна Суперкубокни қўлга киритди, аммо Кубокни тарк этиш арафасида турибди: Мадриднинг "Атлетико" клуби билан биринчи ярим финалда 0:4 ҳисобида мағлуб бўлди.
"Ўтган мавсум ажойиб ўтди, бу мавсумни унчалик зўр бошламадик, аммо тезлашиб, Суперкубокни қўлга киритдик. Ҳа, ўтган мавсумдаги муваффақиятларни ортда қолдириш қийин бўлади, аммо биз "Барса"миз. Охиригача курашамиз", - дея Кубарсининг сўзларини келтиради испан ОАВ.
Ла Лигада Ҳанс-Дитер Флик жамоаси Мадриднинг "Реал" клубидан 2 очко ортда қолиб, 2-поғонада бормоқда.
