"Барселона" футболчиси Пау Кубарси жамоадоши Рональд Араухонинг ҳолати ҳақида фикр билдирди.

Уругвайлик ҳимоячи ноябрь ойи охирида клуб қароргоҳини тарк этиб, январда қайтганди. Бу вақт давомида футболчи руҳий саломатлигини тиклади.

"Араухонинг қайтганидан жуда хурсандмиз. У мени кийиниш хонасида биринчилардан бўлиб қабул қилди, мен учун деярли отамдек эди. Энди у яна футболдан завқ олиши ва жамоага ёрдам бериши керак", - деди Кубарси Mundo Deportivo нашрига берган интервьюсида.

Якшанба куни "кўк-анорранглилар" ўз майдонида Ла Лига доирасида "Леванте"га қарши баҳс олиб боради.