«Барселона» ҳимоячиси Эрик Гарсия ўтган йили клубни қандай қилиб тарк этишига бир бахя қолгани ҳақида сўзлаб берди.
Испаниялик футболчи 2025 йилнинг январида Италиянинг «Комо» клубига ўтишга жуда яқин эди. Келишув амалга ошмади ва кўп ўтмай футболчи «кўк-анорранглилар»нинг асосий таркибидан мустаҳкам жой олди.
«Комо»га ўтишим аниқдек туюлган пайтлар бўлди, аммо «Бенфика» билан ўйин ҳамма нарсани ўзгартириб юборди. Флик билан суҳбатдан сўнг қолишга қарор қилдим ва ҳозир бу тўғри танлов бўлганини айта оламан», — дея Гарсиянинг сўзларини келтиради Испания ОАВлари.
Футболчи учун тақдирни белгилаб берган «Бенфика»га қарши баҳс Чемпионлар лигасининг ўтган мавсумидаги умумий босқич доирасида бўлиб ўтган ва каталонияликларнинг 5:4 ҳисобидаги ғалабаси билан якунланган. Ўша ўйинда Гарсия ўз ҳисобига гол ёздириб қўйган эди.
