32 ёшли португалиялик ярим ҳимоячи Андре Гомеш фаолиятини океан ортида давом эттиради. Тажрибали футболчи эркин агент сифатида «Коламбус Крю» сафига қўшилди, бу ҳақда клуб матбуот хизмати хабар бермоқда.
Гомешнинг Америка жамоаси билан имзолаган шартномаси келаси йилнинг ўрталарига қадар мўлжалланган. Келишувда ҳамкорликни яна бир йилга узайтириш банди ҳам кўзда тутилган.
Андренинг охирги иш жойи Франциянинг «Лилль» клуби эди. Ярим ҳимоячи жамоани февраль ойида тарк этган. Лига 1’нинг жорий мавсумида Гомеш атиги иккита учрашувда майдонга тушган.
Европада португалиялик хавбек «Бенфика», «Валенсия», «Барселона» ва «Эвертон»даги иштироклари билан танилган. Португалия терма жамоаси сафида эса у 29 та ўйин ўтказган.
