33 ёшли машҳур ярим ҳимоячи Филиппе Коутиньо ва Бразилиянинг «Васко да Гама» клуби ўртасидаги ҳамкорлик якунига етди. Томонлар ўзаро келишувга кўра шартномани бекор қилишди.

Қайд этилишича, шартномани бекор қилиш ташаббуси футболчининг ўзидан чиққан. Коутиньо клуб раҳбариятига битимни тўхтатиш бўйича шахсий илтимос билан чиққан ва якунда «Васко да Гама» бунга розилик берган.

Ҳозирда эркин агент мақомида бўлган футболчининг вазиятини АҚШнинг «ЛА Гэлакси» клуби диққат билан кузатиб бормоқда. Лос-Анжелесликлар бразилиялик юлдузни ўз таркибига жалб этиш орқали МЛСдаги мавқеини янада мустаҳкамлашни кўзламоқда.

Бир пайтлар «Ливерпуль», «Барселона» ва «Бавария» каби грандлар шарафини ҳимоя қилган Коутиньо учун МЛС фаолиятини чиройли якунлаш учун ажойиб имконият бўлиши мумкин.