«Арсенал» меҳмонда «Вулверхэмптон» билан дуранг ўйнагач (2:2), Англия Премьер-лигасида чемпионлик пойгаси янада қизғин тус олди. «Канонирлар» ҳамон пешқадамлик қилмоқда, бироқ «Манчестер Сити» битта захира ўйинига эга ҳолда улардан беш очко ортда қолмоқда. Қолаверса, апрель ойида жамоалар Манчестерда ўзаро тўқнаш келишади.

«Opta» мутахассислари суперкомпьютер ёрдамида чемпионлик имкониятларини ҳисоблаб чиқишди. Машинанинг хулосасига кўра, ҳатто ҳозирги ҳолатда ҳам «Арсенал»нинг чемпион бўлиш имконияти «Манчестер Сити»никидан анча юқори.

Ҳисоб-китоблар қуйидаги рақамларни кўрсатди:

• «Арсенал»нинг чемпионлик эҳтимоли — 79,69%;

• «Манчестер Сити»нинг чемпионлик эҳтимоли — 17,26%.

Эслатиб ўтамиз, «Арсенал» охирги марта 2004 йилда Англия чемпиони бўлган эди.