«Arsenal» mehmonda «Vulverxempton» bilan durang o‘ynagach (2:2), Angliya Premyer-ligasida chempionlik poygasi yanada qizg‘in tus oldi. «Kanonirlar» hamon peshqadamlik qilmoqda, biroq «Manchester Siti» bitta zaxira o‘yiniga ega holda ulardan besh ochko ortda qolmoqda. Qolaversa, aprel oyida jamoalar Manchesterda o‘zaro to‘qnash kelishadi.
«Opta» mutaxassislari superkompyuter yordamida chempionlik imkoniyatlarini hisoblab chiqishdi. Mashinaning xulosasiga ko‘ra, hatto hozirgi holatda ham «Arsenal»ning chempion bo‘lish imkoniyati «Manchester Siti»nikidan ancha yuqori.
Hisob-kitoblar quyidagi raqamlarni ko‘rsatdi:
-
«Arsenal»ning chempionlik ehtimoli — 79,69%;
-
«Manchester Siti»ning chempionlik ehtimoli — 17,26%.
Eslatib o‘tamiz, «Arsenal» oxirgi marta 2004 yilda Angliya chempioni bo‘lgan edi.
