«Аталанта» клуби ярим ҳимоячиси Эдерсон ёзги трансфер ойнаси вақтида Мадриднинг «Атлетико» жамоасига ўтиши мумкин.
Инсайдер Николо Скиранинг ҳисоботида қайд этилишича, «матрасчилар» бразилиялик футболчи билан шахсий шартнома шартлари бўйича келишувга эришган. 26 ёшли хавбекнинг Ла Лига гранди билан имзолайдиган шартномаси 2031 йилга қадар мўлжалланиши кўзда тутилган. Манбага кўра, унинг йиллик маоши бонуслардан ташқари тахминан 4 миллион еврони ташкил этади.
Transfermarkt портали Эдерсоннинг трансфер қийматини 40 миллион еврога баҳоламоқда. Футболчининг «Аталанта» билан амалдаги шартномаси 2027 йилнинг ўрталарига қадар давом этади, шу сабабли «Атлетико» энди Бергамо клуби билан трансфер қиймати бўйича якуний келишувга эришиши лозим бўлади.
