«Интер Майами» юлдузи Лионель Месси жароҳатидан тўлиқ соғайди ва МЛСнинг дастлабки тури доирасидаги «Лос-Анжелес»га қарши ўйинда ўз жамоасига ёрдам беришга тайёр. Бу маълумотни ESPN телеканали журналистлари тасдиқлади.
Эслатиб ўтамиз, 38 ёшли ҳужумчини мушак жароҳати безовта қилаётган эди. Шу сабабли «Интер Майами» «Индепендьенте»га қарши назорат учрашувини бекор қилишга қарор қилганди.
«Лос-Анжелес» ва Флорида жамоаси ўртасидаги баҳс якшанба куни, 22 февраль куни бўлиб ўтади. Учрашув Тошкент вақти билан соат 07:30 да бошланади.
Ўтган мавсумда «Интер Майами» ўз тарихида илк бор МЛС чемпионига айланган эди.













