«Манчестер Сити»нинг собиқ ҳужумчиси Серхио Агуэро бош мураббий Хосеп Гвардиоланинг ўрнини босувчи номзодни излаш ҳақида фикр билдирди.
Испаниялик мутахассиснинг амалдаги шартномаси 2027 йилнинг ёзигача мўлжалланган, бироқ кўплаб миш-мишларга кўра, томонлар ҳамкорликни шу ёздаёқ якунлашлари мумкин.
«Менда шундай ҳиссиёт борки, «Манчестер Сити» вақти келганда Гвардиоланинг ўрнини қандай тўлдиришни жуда яхши билади. Бундай клуб, бундай элита ташкилоти битта буюк мураббийдан анча устунроқдир. Пепнинг ўрнига ким келмасин, лойиҳани янада ривожлантириш учун унда мустаҳкам пойдевор бўлади», – дея Агуэронинг сўзларини келтиради City Xtra.
Хосеп Гвардиола «шаҳарликлар»ни 2016 йилдан бери бошқариб келмоқда. Серхио Агуэро эса 2011 йилдан 2021 йилгача жамоа шарафини ҳимоя қилган.
