«Manchester Siti»ning sobiq hujumchisi Serxio Aguero bosh murabbiy Xosep Gvardiolaning o‘rnini bosuvchi nomzodni izlash haqida fikr bildirdi.

Ispaniyalik mutaxassisning amaldagi shartnomasi 2027 yilning yozigacha mo‘ljallangan, biroq ko‘plab mish-mishlarga ko‘ra, tomonlar hamkorlikni shu yozdayoq yakunlashlari mumkin.

«Menda shunday hissiyot borki, «Manchester Siti» vaqti kelganda Gvardiolaning o‘rnini qanday to‘ldirishni juda yaxshi biladi. Bunday klub, bunday elita tashkiloti bitta buyuk murabbiydan ancha ustunroqdir. Pepning o‘rniga kim kelmasin, loyihani yanada rivojlantirish uchun unda mustahkam poydevor bo‘ladi», – deya Agueroning so‘zlarini keltiradi City Xtra.

Xosep Gvardiola «shaharliklar»ni 2016 yildan beri boshqarib kelmoqda. Serxio Aguero esa 2011 yildan 2021 yilgacha jamoa sharafini himoya qilgan.