"Милан" сафида тўп сураётган португалиялик ҳужумчи Рафаэль Леау Криштиану Роналду ва Лионель Мессининг ютуқларини таққослади.

"Албатта, жаҳон чемпионати Криштиану учун муҳим, чунки у ҳали бу чемпионликни қўлга киритмаган. Аммо бунинг аҳамияти йўқ, Роналду барибир футбол тарихидаги энг буюк футболчи бўлиб қолади", - дея Леаунинг сўзларини келтиради CBS Sports Golazo.

2026 йилги жаҳон чемпионатида Португалия терма жамоаси Ўзбекистон ва Колумбия билан тўқнаш келади. Португалияликларнинг гуруҳ босқичидаги яна бир рақиби ҳали аниқланмади. Аргентина терма жамоаси эса Жазоир, Австрия ва Иорданияга қарши баҳс олиб боради.