Италия матбуотида Страхинья Павловичнинг жароҳати ҳақида маълумотлар пайдо бўлди. "Милан" ҳимоячиси "Комо"га қарши ўйинда рақибнинг қўполлигидан сўнг жароҳат олган эди.
"MilanNews" хабарига кўра, чуқурлаштирилган тиббий кўрикдан сўнг сербиялик футболчида юмшоқ тўқималарнинг кенг гематомаси ҳамда кичик болдир суягининг шиш ҳолати аниқланган.
Павлович аллақачон тикланиш терапияси курсини ўтаб бўлди. Катта эҳтимол билан, у 1 март куни "Кремонезе"га қарши кечадиган баҳсда майдонга туша олади.
Жорий мавсумда 24 ёшли ҳимоячи 25 та учрашувда иштирок этиб, ўз ҳисобига 2 та гол ва битта голли узатмани ёздириб қўйган.
