Яқинда матбуотда "Кристал Пэлас" бош мураббийи истеъфога чиқарилиши мумкинлиги ҳақида хабарлар тарқалди. Австриялик мутахассис навбатдаги матбуот анжуманида ушбу миш-мишларга муносабат билдирди.
"Натижалар жойида бўлсагина, мураббий ўз ўрнида қолади ва унга ишлашга имкон берилади. Гап айнан шунда. Сўнгги ойларда эса натижаларимиз яхши бўлмади. Ўйинимизда ҳам барқарорлик кузатилмади", — дея таъкидлади Гласнер.
Англия Премьер-лигасининг жорий мавсумида "бургутлар" 32 очко жамғарган ҳолда турнир жадвалида 13-ўринни эгаллаб туришибди.
Оливер Гласнер 2024 йилнинг февралидан бери "Кристал Пэлас"да фаолият юритмоқда. 51 ёшли мураббий лондонликлар билан биргаликда Англия Кубоги ва Суперкубогида зафар қучишга муваффақ бўлган.
