"Барселона" сўнгги икки учрашувда мағлубиятга учради — Испания Кубогида "Атлетико"дан (0:4) ва Ла Лигада "Жирона"дан (1:2). Жамоа бош мураббийи Ханс-Дитер Флик матбуот анжуманида ушбу натижалардан сўнг футболчилар билан нималар ҳақида гаплашганини очиқлади.
"Футболчилар билан нима ҳақида гаплашдим? Биз рақиб дарвозаси олдида кўплаб вазиятлар яратдик, аммо улардан фойдалана олмадик. Энг яхши даражамизга қайтиш учун нималарни яхшилашимиз кераклиги ҳақида гаплашиб олдик. Бу очиқ мулоқот, очиқ суҳбат бўлди. Мен ўз фикрларимни жуда аниқ тушунтирдим", — дея таъкидлади Флик.
Якшанба куни, 22 февраль куни "Барселона" Ла Лига доирасида ўз майдонида "Леванте"ни қабул қилади. Айни дамда Флик шогирдлари турнир жадвалида иккинчи ўринни эгаллаб туришибди.
