"Barselona" so‘nggi ikki uchrashuvda mag‘lubiyatga uchradi — Ispaniya Kubogida "Atletiko"dan (0:4) va La Ligada "Jirona"dan (1:2). Jamoa bosh murabbiyi Xans-Diter Flik matbuot anjumanida ushbu natijalardan so‘ng futbolchilar bilan nimalar haqida gaplashganini ochiqladi.
"Futbolchilar bilan nima haqida gaplashdim? Biz raqib darvozasi oldida ko‘plab vaziyatlar yaratdik, ammo ulardan foydalana olmadik. Eng yaxshi darajamizga qaytish uchun nimalarni yaxshilashimiz kerakligi haqida gaplashib oldik. Bu ochiq muloqot, ochiq suhbat bo‘ldi. Men o‘z fikrlarimni juda aniq tushuntirdim", — deya ta’kidladi Flik.
Yakshanba kuni, 22 fevral kuni "Barselona" La Liga doirasida o‘z maydonida "Levante"ni qabul qiladi. Ayni damda Flik shogirdlari turnir jadvalida ikkinchi o‘rinni egallab turishibdi.
