Германия Бундеслигасининг 23-тури доирасида "Бавария" ва Франкфуртнинг "Айнтрахт" жамоалари ўртасидаги учрашув якунланди. Тобиас Райхель бошчилигидаги ҳакамлар гуруҳи бошқарган баҳсда мезбонлар 3:2 ҳисобида ғалаба қозонишди.

Ўйиннинг 16-дақиқасида Александар Павлович ҳисобни очган бўлса, 20-дақиқада Харри Кейн орадаги фарқни оширди. 68-дақиқага келиб Кейн дублни расмийлаштирди. Меҳмонлар сафида Жонатан Буркардт (77-дақиқа, пенальти) ва Арно Калимуэндо (86-дақиқа) гол уриб, ҳисобни қисқартиришга муваффақ бўлишди, бироқ бу очко олиш учун етарли бўлмади.

Ушбу ғалабадан сўнг "Бавария" 60 очко билан Бундеслига пешқадами бўлиб турибди. "Айнтрахт" эса 31 очко билан 7-ўринда қолди.

Навбатдаги ўйинлар:

• "Бавария": 28 февраль куни сафарда "Боруссия Дортмунд"га қарши.

• "Айнтрахт": 1 март куни ўз майдонида "Фрайбург" билан.

Бундеслига. 23-тур
21.02.2026 | 19:30
«Алльянц Арена», Мюнхен

«БАВАРИЯ» — «АЙНТРАХТ Ф» — 3:2

Голлар: Павлович 16’ (1:0), Кейн 20’ (2:0), Кейн 68’ (3:0), Буркардт 77’ — пен (3:1), Калимуэндо 86’ (3:2).

«Бавария»: Урбиг, Упамекано, Ким Мин Жэ, Дэйвис (Ито, 50), Станишич, Киммих (Та, 90+4), Павлович (Бишоф, 77), Мусиала (Гнабри, 77), Диас, Олисе (Горецка, 90+4), Кейн.

«Айнтрахт Ф»: Сантос, Схири (Баум, 77), Аменда, Коллинз, Хейлунн (Шаиби, 77), Ларссон, Браун, Доан (Гётце, 60), Баойя, Амаймуни-Эшгуяб (Буркардт, 60), Дауд (Калимуэндо, 60).

Огоҳлантиришлар: Баойя (44), Коллинз (90), Аменда (90).