Germaniya Bundesligasining 23-turi doirasida "Bavariya" va Frankfurtning "Ayntraxt" jamoalari o‘rtasidagi uchrashuv yakunlandi. Tobias Rayxel boshchiligidagi hakamlar guruhi boshqargan bahsda mezbonlar 3:2 hisobida g‘alaba qozonishdi.
O‘yinning 16-daqiqasida Aleksandar Pavlovich hisobni ochgan bo‘lsa, 20-daqiqada Xarri Keyn oradagi farqni oshirdi. 68-daqiqaga kelib Keyn dublni rasmiylashtirdi. Mehmonlar safida Jonatan Burkardt (77-daqiqa, penalti) va Arno Kalimuendo (86-daqiqa) gol urib, hisobni qisqartirishga muvaffaq bo‘lishdi, biroq bu ochko olish uchun yetarli bo‘lmadi.
Ushbu g‘alabadan so‘ng "Bavariya" 60 ochko bilan Bundesliga peshqadami bo‘lib turibdi. "Ayntraxt" esa 31 ochko bilan 7-o‘rinda qoldi.
Navbatdagi o‘yinlar:
-
"Bavariya": 28 fevral kuni safarda "Borussiya Dortmund"ga qarshi.
-
"Ayntraxt": 1 mart kuni o‘z maydonida "Frayburg" bilan.
Bundesliga. 23-tur
21.02.2026 | 19:30
«Allyans Arena», Myunxen
«BAVARIYA» — «AYNTRAXT F» — 3:2
Gollar: Pavlovich 16’ (1:0), Keyn 20’ (2:0), Keyn 68’ (3:0), Burkardt 77’ — pen (3:1), Kalimuendo 86’ (3:2).
«Bavariya»: Urbig, Upamekano, Kim Min Je, Deyvis (Ito, 50), Stanishich, Kimmix (Ta, 90+4), Pavlovich (Bishof, 77), Musiala (Gnabri, 77), Dias, Olise (Goreska, 90+4), Keyn.
«Ayntraxt F»: Santos, Sxiri (Baum, 77), Amenda, Kollinz, Xeylunn (Shaibi, 77), Larsson, Braun, Doan (Gyotse, 60), Baoyya, Amaymuni-Eshguyab (Burkardt, 60), Daud (Kalimuendo, 60).
Ogohlantirishlar: Baoyya (44), Kollinz (90), Amenda (90).
