Германия Бундеслигасининг 23-тури доирасида Дортмунднинг "Боруссия" клуби сафарда "Лейпциг" билан жанговар дуранг қайд этди — 2:2. "Ред Булл Арена"да кечган баҳс мухлислар учун ҳақиқий драма тақдим этди.
Биринчи бўлим мезбонларнинг тўлиқ устунлигида ўтди ва ярим ҳимоячи Кристоф Баумгартнер дубль қайд этиб, "буқалар"ни олдинга олиб чиқди. Бироқ иккинчи бўлимда вазият ўзгарди: 50-дақиқада "Лейпциг" аъзоси Ромуло ўз дарвозасини ишғол қилиб қўйди. Учрашув якунланиши арафасида эса Фабио Сильва гол уриб, дортмундликларга муҳим очкони тақдим этди.
Ушбу натижадан сўнг "Боруссия" 52 очко билан турнир жадвалида 2-ўринни эгаллаб турибди. "Лейпциг" эса 41 очко билан 5-поғонадан жой олган.
Бундеслига. 23-тур
21.02.2026 | 22:30
«Ред Булл Арена», Лейпциг
«РБ ЛЕЙПЦИГ» — «БОРУССИЯ Д» — 2:2
Голлар: Баумгартнер 20’ (1:0), Баумгартнер 39’ (2:0), Ромуло 50’ — автогол (2:1), Силва 90+5’ (2:2).
«РБ Лейпциг»: Вандервордт, Орбан, Люкеба, Раум, Баку (Хенрикс, 82), Зайвальд, Баумгартнер, Шлагер (Нуса, 65), Диоманде (Финкгрефе, 90+4), Груда (Банзузи, 82), Ромуло (Хардер, 81).
«Боруссия Д»: Кобель, Антон, Бенсебаини, Реджани (Коуту, 64), Беллингем, Нмеча (Чуквуэмека, 65), Свенссон, Рюэрсон, Забитцер (Адейеми, 76), Гирасси (Силва, 71), Байер (Брандт, 64).
Огоҳлантиришлар: Ромуло (30), Люкеба (41), Раум (90) — Бенсебаини (45), Реджани (54), Рюэрсон (69), Силва (78).
