Germaniya Bundesligasining 23-turi doirasida Dortmundning "Borussiya" klubi safarda "Leypsig" bilan jangovar durang qayd etdi — 2:2. "Red Bull Arena"da kechgan bahs muxlislar uchun haqiqiy drama taqdim etdi.
Birinchi bo‘lim mezbonlarning to‘liq ustunligida o‘tdi va yarim himoyachi Kristof Baumgartner dubl qayd etib, "buqalar"ni oldinga olib chiqdi. Biroq ikkinchi bo‘limda vaziyat o‘zgardi: 50-daqiqada "Leypsig" a’zosi Romulo o‘z darvozasini ishg‘ol qilib qo‘ydi. Uchrashuv yakunlanishi arafasida esa Fabio Silva gol urib, dortmundliklarga muhim ochkoni taqdim etdi.
Ushbu natijadan so‘ng "Borussiya" 52 ochko bilan turnir jadvalida 2-o‘rinni egallab turibdi. "Leypsig" esa 41 ochko bilan 5-pog‘onadan joy olgan.
Bundesliga. 23-tur
21.02.2026 | 22:30
«Red Bull Arena», Leypsig
«RB LEYPSIG» — «BORUSSIYA D» — 2:2
Gollar: Baumgartner 20’ (1:0), Baumgartner 39’ (2:0), Romulo 50’ — avtogol (2:1), Silva 90+5’ (2:2).
«RB Leypsig»: Vandervordt, Orban, Lyukeba, Raum, Baku (Xenriks, 82), Zayvald, Baumgartner, Shlager (Nusa, 65), Diomande (Finkgrefe, 90+4), Gruda (Banzuzi, 82), Romulo (Xarder, 81).
«Borussiya D»: Kobel, Anton, Bensebaini, Redjani (Koutu, 64), Bellingem, Nmecha (Chukvuemeka, 65), Svensson, Ryuerson, Zabitser (Adeyemi, 76), Girassi (Silva, 71), Bayer (Brandt, 64).
Ogohlantirishlar: Romulo (30), Lyukeba (41), Raum (90) — Bensebaini (45), Redjani (54), Ryuerson (69), Silva (78).
