Португалиялик ҳужумчи Рафаэл Леау 2023 йилдан бери жамоада тўп сураётган жамоадоши Кристиан Пулишич билан тил топишиб кетганини маълум қилди. Леаунинг фикрича, улар биргаликда рақиблар учун хавфли жуфтликни ташкил қилишмоқда.
«У билан муносабатларимиз жуда яхши. Майдонда ҳам бир-биримизни тобора яхшироқ тушуниб боряпмиз. Тўғри, жароҳатлар сабабли доим ҳам бирга ўйнаш имкони бўлмаяпти. Аммо Кристиан — ажойиб ўйинчи. Ундан ҳар доим қандайдир ғайритабиий ҳаракатларни кутиш мумкин», — дея Леаунинг сўзларидан иқтибос келтирмоқда pianetamilan.it.
Леау 2019 йилдан бери ўз клуби шарафини ҳимоя қилиб келмоқда. Унга қадар у Португалиянинг «Спортинг» ва Франциянинг «Лилль» жамоаларида фаолият юритган.
