Мюнхеннинг «Бавария» клуби «Ливерпуль» шарафини ҳимоя қилаётган Коди Гакпо номзодига ўтишга тайёр.
Мюнхен гранди учун асосий мақсад «РБ Лейпциг» футболчиси Ян Диоманде эди, бироқ 19 ёшли ўйинчи рад жавобини берди. Бундан ташқари, ивуарлик иқтидор эгаси ўша «Ливерпуль» билан оғзаки келишувга эришган кўринади. Bayern Space берган маълумотларга кўра, Диоманде билан музокаралар муваффақиятсиз якунлангач, «Бавария» Гакпони ўз томонига оғдириб олишга ҳаракат қилади. Нидерландиялик футболчининг трансфер нархи тахминан 65 миллион еврони ташкил қилиши мумкин.
Коди Гакпо жорий мавсумда мерсисайдликлар сафида 34 та ўйинда майдонга тушиб, 7 та гол ва 4 та голли узатмани ўз ҳисобига ёздириб қўйди. 26 ёшли футболчининг «Ливерпуль» билан шартномаси 2030 йилгача мўлжалланган.
