«Бавария» ҳимоячиси Альфонсо Дэвис март ойининг ўрталарига қадар майдонга туша олмайди.

Мюнхен гранди ҳимоячиси «Айнтрахт»га қарши ўйинда (3:2) сонининг орқа мушагидан жароҳат олди. Bild нашрининг хабарига кўра, у камида уч ҳафтани ўтказиб юборади.

Бу шуни англатадики, Канада терма жамоаси аъзоси 28 февраль куни бўлиб ўтадиган «Боруссия Дортмунд»га қарши баҳсда аниқ иштирок этмайди. Шунингдек, унинг Чемпионлар Лигаси 1/8 финалининг биринчи ўйинига (10/11 март) тайёр бўлиши ҳам сўроқ остида қолмоқда. Бундан ташқари, 14 мартдаги «Байер» билан учрашувни ҳам ўтказиб юбориш хавфи бор.

Жорий мавсумда Дэвис Бундеслигада 8 та ўйин ўтказди. У узоқ вақт давомида тиззасидаги хочсимон боғламлари жароҳатидан сўнг тикланиш жараёнини ўтаётган эди.