"Атлетико Мадрид" бош мураббийи Диего Симеоне ҳужумчи Адемола Лукмандан кўпроқ нарсани кутишини айтди.
Янги футболчи жамоадаги дастлабки олтита ўйинида тўртта гол урди ва иккита голли узатмани амалга оширди. Шанба куни ҳужумчи яна бир бор дарвозани ишғол қилди ва Мадрид клубининг "Эспаньол"ни 4:2 ҳисобида мағлуб этишига ёрдам берди.
"Лукман гол урувчи, аммо у ҳимоявий жиҳатдан ишлаши керак. У барча соҳаларда бизнинг талабларимизга мослашиши керак. Унинг гол уриш қобилияти бор ва унинг голлари тасодифий эмас, лекин биз унинг бошқа барча нарсаларда яхшиланишини истаймиз", деди Симеоне.
