"Манчестер Юнайтед" ҳужумчиси Жошуа Зиркзее ҳамон "Ювентус"нинг қизиқишлари доирасида бўлиб турибди.

"Кекса синьора" ўтган йили ва шу йилнинг январь ойида ҳам нидерландиялик футболчига даъвогарлар қаторида эди, бироқ ўшанда иш аниқ музокараларгача етиб бормаганди. Журналист Фабрицио Романонинг маълумотларига кўра, туринликлар Зиркзеени келаётган ёзда сотиб олиш имкониятини кўриб чиқмоқдалар. Аммо келишув тақдири жамоанинг жорий А Серия мавсумидаги якуний ўрнига боғлиқ бўлади: агар "бьянконери" Чемпионлар лигасига йўлланма ололмаса, бундай трансферни молиявий жиҳатдан амалга ошириши амримаҳол.

Transfermarkt портали Жошуа Зиркзеенинг қийматини 25 миллион еврога баҳоламоқда. Ҳужумчи "қизил иблислар" таркибида жорий мавсумдаги 18 та ўйинда иккита гол ва битта голли узатмани амалга оширган.