Мадриднинг "Реал" клуби юлдуз ҳужумчи Килиан Мбаппенинг ҳолатидан хавотирга тушмоқда. Испаниянинг "Sport" нашри саҳифаларида чоп этилган мақолада айтилишича, "қаймоқранглилар" француз футболчисининг сўнгги ўйинлардаги формасидан хавотирда.

Қайд этилишича, йил бошидан бери Мбаппе тиззасида ноқулайлик ҳис қилмоқда. Шанба куни "Осасуна"га қарши бўлиб ўтган ўйиндан олдин "Реал" бош мураббийи Альваро Арбелоа футболчида муаммо сақланиб қолаётганини таъкидлаб ўтган эди.

Эслатиб ўтамиз, "Реал" сафарда "Осасуна"га 1:2 ҳисобида имкониятни бой берди. Килиан Мбаппе майдонда 90 дақиқа ҳаракат қилган бўлса-да, самарали ҳаракатлари билан ажралиб турмади. Умуман олганда, француз футболчиси сифатли мавсумни ўтказмоқда — у 33 та ўйинда 38 та гол уришга муваффақ бўлган.