"Галатасарой"нинг "Коньяспор"дан учраган кутилмаган мағлубиятидан сўнг, клуб ичидаги муаммолар ҳақида маълумотлар пайдо бўлди. "TR24" порталининг хабар беришича, жамоа футболчиларига маош тўланмаяпти.
Манбанинг таъкидлашича, бундай ҳолат аллақачон учинчи ойдирки давом этмоқда. Клубнинг расмий вакиллари ҳозирча бу борада ҳеч қандай изоҳ бермаётгани матбуот ва мухлислар орасида турли шубҳа-гумонларни янада авж олдирмоқда.
Маҳаллий журналист Халик Юрекли сўнгги воқеалар фонида "Галатасарой"нинг чемпионлик имкониятларини жуда шубҳали деб атади.
Ҳозирда жамоа 55 очко билан чемпионатда пешқадамликни давом эттирмоқда, бироқ 52 очкога эга ва захирасида битта ўйини бор бўлган "Фенербахче" уларга етиб олиши мумкин.
