ФИФА президенти ва Халқаро олимпия қўмитаси аъзоси Жанни Инфантино АҚШ президенти Дональд Трамп томонидан ташкил этилган «Тинчлик кенгаши» йиғилишида иштирок этгани учун интизомий жавобгарликка тортилмайди, деб хабар бермоқда "The Athletic".
Пайшанба куни Трамп Вашингтонда Ғазо сектори масалаларига бағишланган кенгашнинг илк йиғилишини ўтказди ва унга 40 дан ортиқ давлат вакиллари таклиф этилди. Инфантино ҳам ушбу учрашувда ҳозир бўлди. Бир кун ўтиб, ХОҚ брифингида қўмита раҳбари Кирсти Ковентри унинг иштирокидан бехабар эканлигини айтди ва мулозимнинг ҳаракатлари Олимпия хартиясига мос келишини текширишни ваъда қилди.
Бироқ, ФИФА билан боғлангандан сўнг, ХОҚ Инфантинонинг ҳаракатларида қоидабузарлик йўқ, деган хулосага келди.
«ХОҚ ФИФА билан алоқага чиқди. Биз ФИФА футбол орқали Ғазода спортни қайта тиклаш бўйича комплекс инвестиция дастурини қўллаб-қувватлаётганини, спорт инфратузилмаси, таълим дастурлари ва ривожланиш бўйича юқори даражадаги таклифларни тақдим этаётганини тушунамиз. Бу халқаро спорт федерациясининг ролига тўлиқ мос келади», — дея ХОҚ вакилининг сўзларини келтиради "The Athletic".
