Ла Лиганинг навбатдаги турида Каталониянинг «Барселона» клуби 3:0 ҳисобида ишончли ғалабага эришди. Жамоа етакчиси Ламин Ямал учун ушбу муваффақият «Барселона» сафидаги 100-ғалаба бўлди. Бу натижага эришиш учун унга барча мусобақаларда жами 139 та ўйин кифоя қилди.

Ямал Боян Кркичнинг рекордини янгилаб, «Барса» тарихида юзта ғалабага эришган энг ёш футболчига айланди. Кркич ўз вақтида бу натижани 20 ёшу 128 кунлигида қайд этган бўлса, Ямал ҳозирда 18 ёшу 224 кунликдир.

Эслатиб ўтамиз, у каталонияликлар сафида 2023 йилнинг апрель ойида — бундан уч йил аввал дебют қилган эди.

Ушбу ғалаба туфайли «Барса» Ла Лигада биринчи ўринни ўзига қайтариб олди.