«Барселона» устози Ҳанс-Дитер Флик Ла Лиганинг якшанба куни «Леванте»га қарши кечган баҳсида (3:0) ҳимоячи Жоау Канселунинг кўрсатган ўйинини эътироф этди.
Португалиялик футболчи «кўк-анорранглилар»нинг асосий таркибида майдонга тушди ва финал ҳуштагига қадар ўйнади. Учрашувнинг 32-дақиқасида 31 ёшли футболчи Френки де Йонгга голли узатма етказиб берди ва бу каталонияликларнинг баҳсдаги иккинчи голига айланди.
«Канселу ажойиб ўйин ўтказди. У фантастик футболчи ва келгусида бизга жуда кўп ёрдам беради», — деди мураббий Флик ўйиндан кейинги матбуот анжуманида.
Эслатиб ўтамиз, «Барселона» Жоау Канселуни қишки трансфер ойнасида Саудия Арабистонининг «Ал-Ҳилол» клубидан ижарага олган эди.
