Бирмингемнинг «Астон Вилла» клуби ҳужумчиси Тэмми Абрахам Англия чемпионатининг 27-тури доирасида «Лидс»га қарши кечган сафар ўйинидан сўнг ўз фикрларини билдирди. Учрашув 1:1 ҳисобидаги дуранг билан якунланди, ҳужумчи эса жамоасининг ягона голига муаллифлик қилди.
«Мен яна шу ерда ўйнаяпман, бу худди тушга ўхшайди. «Астон Вилла» шарафини ҳимоя қилаётганимдан ва жамоага ёрдам бераётганимдан хурсандман. Менинг вазифам — доимо рақиб жарима майдончаси ичида бўлиш ва имкониятга шай туриш. Дунёнинг энг яхши мухлислари кўз ўнгида гол урганимдан жуда бахтиёрман», — дея футболчининг сўзларини келтирмоқда BBC.
«Астон Вилла» 51 очко жамғарган ҳолда Англия чемпионати турнир жадвалида учинчи ўринни эгаллаб турибди. Унаи Эмери шогирдлари иккинчи ўринда бораётган «Манчестер Сити»дан беш очкога ортда қолмоқда.
