"Реал Сосьедад" ҳимоячиси Альваро Одриосола чап тизза хочсимон бойлами йиртилгани сабабли мавсумнинг қолган қисмини ўтказиб юборади.
30 ёшли футболчи якшанба куни "Аноэта" стадионида бўлиб ўтган "Реал Овьедо"га қарши баҳсда жароҳат олди. Одриосола Хон Арамбуранинг ўрнига майдонга тушди, аммо бир неча дақиқадан сўнг чиқиб кетди ва майдонни сезиларли даражада азоб билан тарк этишга мажбур бўлди.
Яқин кунларда Альварога жарроҳлик амалиёти буюрилади, шундан сўнг 9-12 ой давом этадиган узоқ тикланиш даври бошланади.
Бу жароҳат "Реал", "Бавария" ва "Фиорентина"да ўйнаган Одриосоланинг фаолиятидаги яна бир жиддий тўсиққа айланмоқда.
