"Бенфика" ўзининг расмий сайтида Чемпионлар лигаси доирасидаги "Реал"га қарши ўйин дастури ҳақида маълумот эълон қилди. Ўйиндан олдинги матбуот анжуманида журналистлар қаршисида Жозе Моуриньонинг ёрдамчиси — Жоау Тралхау чиқиш қилади. Шунингдек, "бургутлар" футболчиларидан бири ҳам матбуот билан мулоқот қилади.
"Реал" ва "Бенфика" ўртасидаги жавоб учрашуви чоршанба, 25 февраль куни бўлиб ўтади. Биринчи ўйинда "қаймоқранглилар" Лиссабонда 1:0 ҳисобида ғалаба қозонишган эди. Ягона гол муаллифи ҳужумчи Винисиус Жуниор бўлганди. "Бургутлар" устози Жозе Моуриньо эса ўша баҳсда қизил карточка олган. Ўйин ирқчилик билан боғлиқ можаро билан ҳам ёдда қолган — Винисиус Жанлука Престианнини ҳақорат қилишда айблаганди.
