«Милан» клуби ярим ҳимоячи Рубен Лофтус-Чик тахминан 8 ҳафтага сафдан чиққанини эълон қилди.
А Сериянинг 26-туридан ўрин олган «Парма»га қарши ўйиннинг (0:1) 8-дақиқасида Лофтус-Чик рақиб дарвозабони Эдоардо Корви билан тўқнашиб кетди. Ўша вазиятда Корви Алексис Салемакерс томонидан жарима майдончасига узатилган тўпни муштлари билан уриб юбораётган эди. Тўқнашувдан сўнг инглиз футболчиси майдонга йиқилган ва бўйин қисми фиксация қилинган ҳолда замбилда олиб чиқиб кетилган. Кейинчалик Лофтус-Чикнинг альвеоляр суяги сингани маълум бўлди.
«Милан» хабарига кўра, Рубен Лофтус-Чикнинг жағ қисмидаги альвеоляр суяги (юқори жағнинг тишлар жойлашган қисми) синган.
Бугун футболчи муваффақиятли операция қилинди. Рубеннинг аҳволи яхши ва у аллақачон шифохонадан жавоб берилган.
«Тикланиш учун тахминан саккиз ҳафта вақт талаб этилиши кутилмоқда», — дейилади «россонери» баёнотида.
