«Интер» ҳимоячиси Мануэль Аканжи ўтган ёзда нима сабабдан «Манчестер Сити»ни тарк этишга қарор қилганини очиқлади.
— Кутилмаганда «Манчестер Сити»да олти нафар соғлом марказий ҳимоячи пайдо бўлиб қолди, ваҳоланки майдонга фақат икки киши туша оларди. Мавсум бошида ўйин амалиётисиз қолганимдан сўнг, агентим билан бирга вариантларни кўриб чиқа бошладим. Клублар кўпинча футболчилардан содиқликни талаб қилишади, лекин ўзлари ҳар доим ҳам бунга амал қилишмайди, — дея Аканжининг сўзларини келтиради Topskills Sports UK.
Аканжи 2022 йилдан 2025 йилгача «Манчестер Сити» шарафини ҳимоя қилган. Айни дамда 30 ёшли швейцариялик футболчи «Интер» сафида ижара асосида тўп тепмоқда. Миш-мишларга кўра, Милан клуби футболчининг трансфер ҳуқуқини тўлиқ сотиб олиш бўйича қарор қабул қилиб бўлган.
«Нерадзуррилар» таркибида Аканжи барча турнирларни ҳисобга олганда 33 та ўйинда майдонга тушиб, 2 та гол уришга муваффақ бўлди.
