"Ливерпуль" ҳужумчиси Луис Суарес ҳали ҳамон Лондоннинг "Арсенал" клуби қизиқиш доирасида қолмоқда. Бу ҳақда яна бир янгилик The Telegraph маълум қилади.
Нашрнинг ёзишича, "тўпчилар" ҳужум чизиғини кучайтиришнинг бошқа вариантларини ҳам кўриб чиқмоқдалар, аммо Уругвай терма жамоасининг 26 ёшли аъзоси барибир лондонликларнинг асосий трансфер мақсади бўлиб қолмоқда.
Ҳозирги пайтда клуб раҳбарияти ҳужумчи трансфери юзасидан сўнгги ва ҳал қилувчи таклиф устида бош қотирмоқдалар. Улар бир қанча бонусларни ҳам қўшган ҳолда мерсисайдликларга 49 миллион фунт таклиф қилмоқчилар.
Аввалроқ "Арсенал"нинг сўнггиси дея хабар берилган 40 миллион фунтлик таклифини "Ливерпуль" рад этганди.
Эслатиб ўтамиз, яқинда Суарес охир-оқибат ўз жамоасида қолишга қарор қилгани ҳақида хабар берилган, аммо футболчи кўп ўтмай бу хабарни инкор этиб чиққанди.