Майкл Каррикнинг «Манчестер Юнайтед»га қайтиши жуда муваффақиятли кечди — мутахассис жамоа ўйинини изга солди ва натижаларга эришмоқда. Бунинг исботини душанба оқшомида клубнинг сафарда «Эвертон»ни мағлуб этганида ҳам кўриш мумкин. Унинг ишига клубнинг собиқ футболчиси Гари Невилл баҳо берди.

«Кэррикда кулиб юриш учун барча асослар бор. Унинг алмаштиришлари натижа келтирди. Шешко ўйинни қутқариб қолди, чунки аслини олганда, жамоа бу баҳсда у қадар юқори даражада ўйнамаган эди», — дея мутахассиснинг сўзларидан иқтибос келтиради BBC Sport.

Ҳозирда «Манчестер Юнайтед» Англия чемпионати турнир жадвалида тўртинчи ўринни эгаллаб турибди. Клуб сўнгги бор 2013 йилда чемпионликни қўлга киритган.