«Ливерпуль» клуби собиқ футболчиси Жейми Каррагер «Манчестер Юнайтед» Англия чемпионатининг кучли учлиги учун курашда Бирмингемнинг «Астон Вилла» жамоасини ортда қолдиришига ишончи комил. Ҳозирда «қизил иблислар» ўз формасига кириб олишган ва қаторасига ўнта ўйиндан бери мағлубият нималигини билмай келишмоқда.

«Ўйлайманки, «Манчестер Юнайтед» аста-секин позициясини бой бераётган «Вилла»дан ўзиб кетади. Улар ҳали ҳам Еврокубокларида иштирок этишмоқда, «Вилла» учун асосий қийинчилик ҳам айнан шунда. «МЮ» кейинги мавсумда Чемпионлар лигасида иштирок этишига деярли шубҳам йўқ», — дея Каррагернинг сўзларидан иқтибос келтиради BBC Sport.

Ҳозирда «МЮ»нинг («Астон Вилла»дан) фарқи уч очкони ташкил этмоқда.