"Ювентус"га тегишли бўлган ва ижара асосида "Лацио"да тўп сураётган таянч ярим ҳимоячиси Николо Ровелла муваффақиятли операция қилинди. Бу ҳақда Рим клуби матбуот хизмати хабар бермоқда.
Ровелла 21 февраль куни А Сериянинг 26-тури доирасида бўлиб ўтган "Кальяри"га қарши ўйинда (0:0) ўнг ўмров суягини синдириб олган эди. Яқин кунларда футболчи махсус реабилитация дастурини бажаришга киришади.
Италия терма жамоаси сафида 1 та ўйин ўтказган 24 ёшли Ровелла жорий мавсумда жароҳатлар сабабли атиги 9 та ўйинда майдонга тушди ва 1 та голли узатмани амалга оширди. Эслатиб ўтамиз, у ўтган йилнинг сентябрь ойидан шу йилнинг январь ойигача остеомиелит (суяк тўқимасининг яллиғланиши) туфайли майдонга туша олмаган эди.
