Ромен Саис расман Марокаш терма жамоасидаги фаолиятини якунлаганини эълон қилди.
Шу тариқа, мамлакат футболи тарихидаги энг муваффақиятли даврлардан бирида жамоага сардорлик қилган ва терма жамоа либосида 86 та ўйин ўтказган ҳимоячининг шонли фаолияти ўз ниҳоясига етди.
35 ёшли ҳимоячи бу ҳақдаги қарорини ўз ватанида ўтган ва у учун бироз омадсиз кечган Африка Миллатлар Кубогидан сўнг Instagram саҳифасида маълум қилди. Мазкур мусобақада тизза ости пайларидан олган жароҳати сабабли у майдонда атиги 18 дақиқа ҳаракат қила олди, холос.













