Ханс-Дитер Флик «Барселона»ни Испания Ла Лигаси доирасидаги «Вильярреал»га қарши уй учрашувига тайёрламоқда. Сешанба куни немис мутахассиси ўзининг 61 ёшини нишонламоқда. Шу муносабат билан «Бавария» клуби ижтимоий тармоқларда махсус пост қолдирди.
«Туғилган кунингиз билан, Ханси!» — дейилади «Бавария» хабарида.
Ханс-Дитер Флик 2019–2021 йилларда «Бавария» бош мураббийи бўлиб ишлаган. Ўша давр мобайнида мюнхенликлар икки бор Бундеслига чемпионлигини, Чемпионлар лигаси кубогини, Германия кубоги ва Суперкубогини, УЕФА Суперкубоги ҳамда клублар ўртасидаги жаҳон чемпионати ғолиблигини қўлга киритишган эди.
Қўшимча қилиш жоизки, «Барселона» февраль ойининг сўнгги кунида «Вильярреал»ни ўз майдонида қабул қилади.
