«Барселона»нинг собиқ юлдузи Роналдиньо футбол учрашувларини бошидан охиригача томоша қилишни ёқтирмайди. Бразилиялик афсона ўз позициясини тушунтириб берди. Роналдиньонинг сўзларига кўра, бир ярим соатлик ўйин — бу жуда кўп.

«Менга футбол томоша қилиш ёқмайди. Фақат энг сара вазиятларни кўриш мен учун қизиқ. 90 дақиқа — бу ҳаддан ташқари кўп. Агар бу финал ёки дерби бўлмаса, томоша қилмайман, менга бу ёқмайди. Асабийлаша бошлайман. "Қандай қилиб бу футболчи бундай пас бериши мумкин?" деб ўйлайман ва жаҳлим чиқади», — дея Роналдиньонинг сўзларидан иқтибос келтиради Transfer News Live.

Эслатиб ўтамиз, Роналдиньо 2005 йилда «Олтин тўп» соҳиби бўлган. Европадаги фаолияти давомида бразилиялик футболчи учта мамлакатда — «ПСЖ», «Барселона» ва «Милан» клубларида тўп сурган.